ABŞ təyyarələrinin yanmış qalıqları belə görüntüləndi - VİDEO

“Airbus” İranda ABŞ təyyarələrinin qalıqlarını göstərən yeni peyk görüntüləri yayımlayıb.

Avtosfer.az xəbər verir ki, görüntülərdə İran ərazisində yerləşən ucqar uçuş-enmə zolağında ABŞ hərbi təyyarələrinə aid yanmış qalıqlar əskini tapıb.

Görüntülər bu ayın əvvəlində İranda vurulan “F-15E Strike Eagle” təyyarəsinin silah sistemləri zabitinin xilas edildiyi əməliyyatdan sonra çəkilib. Kadrlarda uçuş-enmə zolağının şərq hissəsində böyük yanıq izləri və dağıntılar görünür.

10 aprel tarixli peyk görüntülərində təxminən 1200 metr uzunluğundakı zolağın sonunda qara yanıq ləkələri və bir neçə nəqliyyat vasitəsi müşahidə olunur. Sahənin yaxınlığında tüstü izlərinə bənzər görüntülər də qeydə alınıb.

Ərazi İsfahan şəhərindən təxminən 50 kilometr cənubda yerləşir.

Bundan əvvəl yayılan məlumatlara görə, ABŞ xüsusi əməliyyat qüvvələri tərəfindən istifadə edilən iki “MC-130J Commando II” təyyarəsi xilasetmə missiyası zamanı həmin ərazidə olub. Əməliyyat zamanı təyyarələrin zədələndiyi və onların İran qüvvələrinin əlinə keçməsinin qarşısını almaq üçün məhv edildiyi bildirilir.