Abşeronda 35 yaşlı kişini qətlə yetirən şəxsə hökm oxunub

Abşeronda 35 yaşlı kişinin boğazını kəsməklə qətlə yetirməkdə təqsirləndirilən İlkin Novruzovun cinayət işi üzrə məhkəmənin yekun prosesi keçirilib. Avtosfer.az APA-ya istinadən xəbər verir ki, Sumqayıt Ağır Cinayətlər Məhkəməsində hakim Aynur Rzayevanın sədrliyi ilə keçirilən prosesdə hökm oxunub. Hökmə əsasən, İlkin Novruzov 17 il müddətinə azadlıqdan məhrum edilib.
Qeyd edək ki, hadisə mayın 16-da Abşeron rayonunun Xırdalan şəhərində baş verib. Belə ki, 1990-cı il təvəllüdlü Heybət Mahir oğlu Quliyevin boğazı kəsilərək qətlə yetirilməsi barədə polisə məlumat daxil olub. Cinayət əməlini törətməkdə şübhəli bilinən 1998-ci il təvəllüdlü İlkin Novruzov saxlanılıb. İddialara görə, qətl hadisəsinin baş verməsinə səbəb 8 manat borc üstündə başlayan mübahisə olub. Faktla bağlı Abşeron rayon Prokurorluğunda cinayət işi açılıb. İlkin Novruzova Cinayət Məcəlləsinin 120.2.2-ci (xuliqanlıq niyyəti ilə adam öldürmə) maddəsi ilə yekun ittiham elan olunub.