Ana və oğul avtobusun altında qaldı

Tekirdağın Saray rayonunda baş verən yol-nəqliyyat hadisəsində işçi avtobusu yolun qarşısına keçmək istəyən ana və 7 yaşlı oğluna çırpılıb.

Avtosfer.az türk mediasına istinadən xəbər verir ki, qəza Büyükyoncalı məhəlləsində qeydə alınıb. Məlumata görə, K.G. və azyaşlı oğlu E.G.-yə S.Z.-nin idarə etdiyi 59 S 2176 dövlət nömrə nişanlı işçi avtobusu çırpılıb. Ana və oğlu avtobusun altında qalıb. Hadisə yerinə dərhal təcili tibbi yardım və polis əməkdaşları çağırılıb.

Yaralılar ilkin tibbi yardım göstərildikdən sonra Saray Dövlət Xəstəxanasına aparılıb. Avtobus sürücüsü isə polis tərəfindən saxlanılıb.

Qəza anının yaxınlıqdakı təhlükəsizlik kamerası tərəfindən qeydə alındığı bildirilib.(Sonxeber.az)