Asiya ölkələri sunami qurbanlarını anır - FOTO

26 dekabr 2004-cü il. Soyuq Avropadan, Rusiyadan isti dənizlərə gələn insanlar onları nə gözlədiyindən xəbərdar deyildilər. Hər yana sakitlik çökmüş, okean geri çəkilmişdi. Buna görə də turistlərin çoxu okeanın dərinliklərinə girmişdi. Lakin zəlzələnin təsiri ilə anidən başlayan sunami sahildə dincələnlərlə yanaşı quru sahəyə də kilometrlərlə daxil oldu. Sözün həqiqi mənasında humanitar fəlakət baş verdi.

Avtosfer. az xəbər verir ki, sunami Sakit və Hind okeanları sahilindəki 9 ölkəni vurdu. 220 mindən çox insan bir neçə dəqiqədə həyatını itirdi. Təkcə İndoneziyanın Sumatra adasında 120 min nəfər həlak oldu. Şri-lankada isə 19-cu əsrdə çəkilmiş qatar xətti sıradan çıxdı.

Nəhəng dalğalar vaqonları 200 metrdən çox sürüyüb cəngəlliyə atdı. Bu gün İndoneziya, Filippin, Şri-Lanka, Hindistan və digər ölkələrdə anım günüdür. Həlak olanların xatirəsi dini məbədlərdə anılır, müxtəlif tədbirlər keçirilir.

Vüqar