Avtobusun vurduğu 4 yaşlı uşaq öldü

İngiltərənin Kent bölgəsində baş verən faciəli hadisədə 4 yaşlı uşaq xəstəxanadan çıxdıqdan sonra avtobusun vurması nəticəsində həyatını itirib.
Avtosfer.az BBC-ə istinadən xəbər verir ki,hadisə cümə axşamı saat 16:00 radələrində Margate şəhərində yerləşən Kraliça Elizabeth Kraliça Ana Xəstəxanasının qarşısında baş verib. Hadisə barədə polisə məlumat verildikdən sonra dərhal araşdırma başlanıb.

Kent polisi bildirib ki, uşaq qəza baş verənədək xəstəxanadan piyada olaraq çıxıb. Avtobus isə A&E şöbəsinin girişinə yaxın ərazidə hərəkətdə olub.

Uşaq xəstəxanaya gətirilsə də, qısa müddət sonra vəfat etdiyi təsdiqlənib. Onun yaxın qohumları da bu barədə məlumat verib.

Hadisə ilə əlaqədar Stagecoach avtobus şirkətinin nümayəndəsi bildirib: "Bu, davam edən araşdırmadır və biz hazırda polislə tam əməkdaşlıq edirik."

Polis hadisənin şahidi olan və ya CCTV, eləcə də digər kamera görüntülərinə sahib olan şəxslərdən məlumat vermələrini xahiş edir.

Araşdırma davam edir.(ajans.az)