Avtomobil aldığı satıcını öldürüb intihar etdi

Kayseridə avtomobil aldığı satıcını öldürən zərgər intihar edib.

Avtosfer.az türk mediasına istinadən xəbər verir ki, hadisə axşam saat 22:00 radələrində Kayserinin Kocasinan səmtindəki Sahabiyə məhəlləsindəki otelin foyesində baş verib. Qalereya sahibi Mahmut Akif Özkaya (26) ilə zərgər Mustafa Körükcü (36) arasında başlayan mübahisə qısa müddətdə davaya çevrilib.

Mustafa Körükcü üzərində gəzdirdiyi silahla Mahmud Akif Özkayaya atəş açıb. Körükcü daha sonra silahı başına dayayıb və tətiyi çəkib. Məlumat verildikdən sonra hadisə yerinə polis və təcili tibb yardım qrupları göndərilib. İlk müayinələr zamanı həkimlər Körükcü və Özkayanın öldüyünü müəyyən ediblər. Onların meyitləri incələnmə üçün tibbi ekspertizaya göndərilib.

Araşdırma zamanı məlum olub ki, mübahisəyə səbəb qalereya sahibi Özkayanın Körükcüyə avtomobil satdıqdan sonra qalan borcunu istəməsi olub.

Hadisə ilə bağlı başladılan istintaq davam edir.

(sonxeber.az)