Azərbaycanda DƏHŞƏTLİ HADİSƏ: Kişi yanaraq ÖLDÜ - VİDEO - YENİLƏNİB

Ağstafa rayonunda yanmış meyit tapılıb. Hadisə rayonun Qaçaq Kərəm kəndində qeydə alınıb. 51 yaşlı kənd sakini Elman Əliyevin meyiti yaşadığı evin zirzəmisində aşkar edilib.

Avtosfer.az xəbər verir ki, bu barədə Baku TV-nin videomaterialında bildirilib.

Mərhumun yaxınlarının sözlərinə görə, Elman Əliyev spirtli içki aludəçisi idi və bəzən bağda və ya evin zirzəmisində gecələyirdi.

"İçki içən adam idi, çox vaxt tibbi spirt qəbul edirdi. Siqaret çəkirdi, ehtimal ki, sərxoş vəziyyətdə olub. Siqaretin külü düşdüyü üçün yanğın başlayıb. O, bunu hiss etməyib və tüstüdən boğularaq ölüb", - deyə mərhumun yaxını bildirib.

Faktla bağlı Ağstafa Rayon Prokurorluğunda araşdırma başlanılıb.

***09:37

Ağstafada yanğın olub.

Avtosfer.az qafqazinfo-ya istinadən xəbər verir ki, hadisə rayonun Qaçaq Kərəm kəndində 1975-ci il təvəllüdlü Elman Əliyevin yaşadığı ünvanın zirzəmisində qeydə alınıb.

Yanğın söndürüldükdən sonra evin zirzəmisindən E.Əliyevin yanmış meyiti aşkar edilib.

Faktla bağlı Ağstafa Rayon Prokurorluğunda araşdırma başlanılıb.