Azərbaycanda tanınmış şair vəfat etdi - FOTO

Azərbaycanın tanınmış şairi Namizəd Xalidoğlu (ədəbi ictimaiyyətdə Qoca Xalid kimi tanınır - red.) vəfat edib.

Avtosfer.az xəbər verir ki, 71 yaşlı şairin ölüm səbəbi məlum deyil.

Xatırladaq ki, Qoca Xalid 1954-cü ildə Şəkinin Kiçik Dəhnə kəndində anadan olub. O, Şəki ədəbi mühitinin tanınmış nümayəndələrindən biri hesab olunur.

Moskvadakı M.Qorki adına Ədəbiyyat İnstitutunun məzunu olan Qoca Xalid Rusiya Elm və İncəsənət Akademiyasının müxbir üzvü seçilib. O, həmçinin Rusiya xalqlarının VII Artiadasının və Beynəlxalq N.Rubtsov mükafatlarına layiq görülüb.