Azərbaycanlıların müntəzəm istifadə etdiyi aeroportda malyariya – Bir əməkdaş öldü

Frankfurt aeroportunun altı əməkdaşında malyariyaya yoluxma qeydə alınıb. 

Avtosfer.az xəbər verir ki, bu barədə Robert Kox İnstitutu məlumat yayıb.  Bildirilir ki, xəstəlik yoluxmuş ağcaqanadla təmasda olmuş şəxs vasitəsilə keçə bilər. Ehtimal olunur ki, ağcaqanadlar iyulda Frankfurta enmiş təyyarənin yük yerində olub. 

İlkin olaraq 4 nəfərdə yoluxma aşkarlansa da, sonradan daha 2 nəfərin xəstəliyi üzə çıxıb. Onlardan biri artıq vəfat edib, qalanların müalicəsi davam edir.

Aeroportun bütün xidmətləri təlimatlandırılıb, şəhər xəstəxanalarında hazırlıq tədbirləri görülüb. 

Qeyd edək ki, Bakıdan Frankfurt aeroportuna müntəzəm reyslər həyata keçirilir. Bura Azərbaycan vətəndaşlarının ən çox istifadə etdiyi xarici hava limanlarındandır.

Vüqar