Bakıda bacı-qardaş faciəli şəkildə öldülər - YENİLƏNİB

Xətai rayonunda yaşadıqları mənzildə iki nəfər dəm qazından zəhərlənərək ölüb.

Respublika Təcili və Təxirəsalınmaz Tibbi Yardım Mərkəzindən Oxu.Az-a verilən məlumata görə, dekabrın 20-si saat 20:00-da təcili çağırış qeydə alınıb.

"Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 2 nəfərin (kişi və qadın) həkiməqədər ölüm faktı qeydə alınıb", - məlumatda qeyd edilib.

***11:00

Bakıda bacı-qardaş dəm qazından zəhərlənərək ölüblər.

Avtosfer.az xəbər verir ki, hadisə paytaxtın Xətai rayonunda qeydə alınıb.

Əhmədli qəsəbəsi, Neapol küçəsindəki mənzillərin birində yaşayan 2008-ci il təvəllüdlü Zeynəb Yaralıyeva və qardaşı 2009-cu il təvəllüdlü Amin Yaralıyev dəm qazından zəhərlənərək ölüblər.

Araşdırma aparılır.