Bakıda fərqli ünvanlarda 3 nəfərin meyitləri tapıldı

Bakının mərkəzində evdən meyit tapılıb.

Avtosfer.az xəbər verir ki, yanvarın 2-si saat 10 radələrində 1987-ci il təvəllüdlü Oleq Aleksandroviç Danilovun meyiti yaşadığı Səbail rayonu Lomonosov küçəsindəki evdə aşkar edilib. Əvvəllər məhkumluq həyatı yaşamış şəxsin üzərində zorakılıq əlaməti aşkarlanmayıb.

Oxşar hadisə Sabunçu rayonunda qeydə alınıb. Yanvarın 2-si saat 04 radələrində 1998-ci il təvəllüdlü Bibixanım Təhməzovanın meyiti yaşadığı Sabunçu qəsəbəsindəki evdə tapılıb. Onun hansı səbəbdən öldüyü məlum deyil.

Digər hadisə isə Binəqədi rayonu 9-cu mikrorayon ərazisində baş verib. Yanvarın 2-si saat 11 radələrində 1981-ci il təvəllüdlü Ramin Paşayevin meyiti yaşadığı Adil Məmmədov küçəsində aşkar edilib. Onun da əvvəllər məhkumluq həyatı yaşadığı bildirilib.

Hər bir faktla bağlı araşdırma aparılır./qafqazinfo