Bakıda icazəsiz girdiyi evdə yatan şəxs həbs edildi

Bakıda yatmaq üçün icazəsiz evə girən şəxs həbs edilib. Avtosfer.az-ın "Qaynarinfo"ya istinadən məlumatına görə, hadisə Binəqədi rayonu, 2-ci Mədən ərazisində yerləşən yarımtikililərin birində baş verib. Belə ki, 1992-ci il təvəllüdlü D.F. narkotik vasitələrdən istifadə etdikdən sonra yatmaq istəyib və bu məqsədlə yarıtikili evə girib. Bu vaxt ev sahibi T.Y. onu saxlayaraq, DİN-in 102 xidmətinə zəng edib və evindən bir nəfərin oğurluq etmək istədiyini deyib. T.Y. təqsirləndirilən şəxsi saxladığı barədə polisə məlumat verib. D.F. saxlanılıb və işə məhkəmədə baxılıb. Məhkəmədə təqsirləndirilən şəxs bir neçə ildir ki, narkotik vasitələrdən istifadə etdiyini və sözügedən evə yatmaq üçün girdiyini deyib. Məhkəmənin hökmü ilə D.F. 20 gün müddətə inzibati həbs edilib.