Bakıda yolun ortasına çatan piyada qorxudan özünü itirib baxın nə etdi - VİDEO

Paytaxtın Həsən Əliyevlə Səməd Vurğun küçələrinin kəsişməsində qayda pozan piyada qəza şəraiti yaradıb.

Avtosfer.az-ın məlumatına görə, hadisə bir müddət əvvəl axşam saatlarında qeydə alınıb. Kadrdan göründüyü kimi, orta yaşlı qadın işıqforun qırmızı işığına əhəmiyyət vermədən keçiddən keçir. Belə ki, yolun ortasına çatan piyada yaxınlaşmaqda olan maşını görərək özünü itirir və geri qaçır. Bu zaman o, təhlükəni daha da artırır və son anda qəzadan xilas olur.

Təəssüf ki, bəzi piyadalar keçiddən istifadə edərkən onun işıqforla nizamlanan olub-olmamasına diqqət etmirlər. Nəticədə onlar videodakı piyada kimi qəza təhlükəsinə səbəb olurlar.

İstənilən halda piyada nəqliyyat vasitələrinin dayandığına əmin olduqdan sonra keçiddən keçməlidir. 

Nərmin