Bakının mərkəzində maşın yanıb - VİDEO - YENİLƏNİB

Bakının Səbail rayonunda, Zərifə Əliyeva küçəsində avtomobil yanan zaman xəsarət alan olmayıb.

Avtosfer.az xəbər verir ki, bu məlumat Oxu.Az-ın sorğusuna cavab olaraq Fövqəladə Hallar Nazirliyinin (FHN) Mətbuat Xidmətindən verilib.

"Nazirliyin "112" qaynar telefon xəttinə paytaxtın Səbail rayonu ərazisində avtomobildə yanğın baş verməsi barədə məlumat daxil olub. Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub. Yanğınsöndürənlər tərəfindən KIA markalı minik avtomobilində baş vermiş yanğın söndürülüb. Yaxınlıqda yerləşən obyekt yanğından mühafizə olunub", - deyə məlumatda bildirilib.

 
***

Bakıda minik avtomobili yanıb.

Avtosfer.az oxu.az-a istinadən xəbər verir ki, bununla bağlı videogörüntülər sosial şəbəkələrdə yayılıb.

Bildirilib ki, hadisə gecə saatlarında paytaxtın mərkəzi küçələrinin birində qeydə alınıb. Görüntülərdə avtomobilin alov içində qaldığı, hadisə yerinə polis və yanğınsöndürənlərin cəlb olunduğu əks olunub.

Avtomobilin hansı səbəbdən yanması hələlik məlum deyil. Hadisənin təfərrüatları ilə bağlı aidiyyəti qurumlara sorğu ünvanlanıb.