“Baku City Kartinq”də avtomobillər toqquşdu - Yeniyetmə öldü - FOTO - YENİLƏNİB

Bakıda əyləncə mərkəzində baş verən hadisə zamanı ölən şəxsin adı məlum olub.

Avtosfer.az oxu.az-a istinadən xəbər verir ki, hadisə zamanı Bakı şəhər sakinləri - 2009-cu il təvəllüdlü Fatimə Bəhlulzadənin idarə etdiyi avtomobillə 2008-ci il təvəllüdlü Kamal Səfərlinin idarə etdiyi avtomobil ehtiyatsızlıqdan toqquşub. Hadisə nəticəsində K.Səfərli aldığı ağır kəllə-beyin travmasından hadisə yerində ölüb.

İlkin ehtimala görə, hadisə avtomobillərdən birində yaranmış qəfil nasazlıq səbəbindən baş verib.

Faktla bağlı araşdırma aparılır.

***12:48

Yanvarın 1-də saat 18:30-də Səbail rayonu, akademik Əhəd Yaqubov, 15 ünvanında yerləşən "Baku City Karting"də ölüm hadisəsi baş verib.

Avtosfer.az Bakupost.az-a istinadən xəbər verir ki, yetkinlik yaşına çatmayan şəxsin idarə etdiyi avtomobil digər avtomobillə toqquşub.

Nəticədə o, hadisə yerində həlak olub.

Faktla bağlı cinayət işi açılıb. Səbail Rayon Prokurorluğunda araşdırma aparılır.