Binəqədidə təhlükəli anlar: Qadın piyada yolun ortasında donub qaldı - VİDEO

Paytaxtın Binəqədi rayonu, 7-ci mikrorayon dairəsində qayda pozan piyada görüntülənib.

Avtosfer.az-ın məlumatına görə, hadisə noyabrın 13-də günorta saatlarında qeydə alınıb. Kadrdan aydın olduğu kimi, orta yaşlı qadın avtomobillərin intensiv hərəkətdə olduğu yolda dayanıb. Nəticədə o, həm özünü, həm də ərazidən keçən sürücüləri təhlükəyə atıb. Hətta sürücülərdən biri dəfələrlə siqnal verərək onun yoldan kənara çəkilməsi üçün xəbərdalıq edib. Lakin piyada tərpənmədən yolda dayanmağa davam edib. Sonda əlacsız qalan sürücü sola manevr edərək ərazidən uzaqlaşıb.

Qeyd edək ki, piyada keçidi və ya işıqfor olmayan ərazilərdə dayanmaq və hərəkəti ləngitmək inzibati xəta sayılır. Belə davranışlar təkcə qayda pozuntusu deyil, həm də qəza riskini artırır. Hər bir piyada yolun hərəkət hissəsinə daxil olmadan öncə təhlükəsiz məsafəni və sürət axınını nəzərə almalıdır.

Nərmin