Borca görə avtomobilin nömrəsini oğurlayan şəxs HƏBS EDİLDİ

Bakının Nərimanov rayonu ərazisində vətəndaşlardan birinin "Toyota" markalı avtomobilinin üzərindən dövlət qeydiyyat nişanı oğurlanıb.

Avtosfer.az xəbər verir ki, polis əməkdaşlarının keçirdiyi tədbirlərlə əməli törətməkdə şübhəli bilinən R.Sarxanov saxlanılıb.

Araşdırmalarla müəyyən edilib ki, R.Sarxanov zərərçəkmişin ona borcu olması səbəbindən həmin şəxsin avtomobilinin dövlət qeydiyyat nişanını talayıb.

Məhkəmənin qərarı ilə o, 40 sutka inzibati qaydada həbs edilib./oxu.az