Bu ölkənin prezident sarayına HÜCUM - ÖLƏNLƏR VAR

Yəmənin cənubundakı Ədən şəhərində yerləşən Maaşiq prezident sarayı husilərin raket hücumuna məruz qalıb. Hadisə nəticəsində beş nəfər ölüb, çox sayda insan yaralanıb.

Avtosfer.az xəbər verir ki, hücum oktyabrın 15-də həyata keçirilib. Yəmən hökumətinin məlumatına görə, saray kompleksinə ümumilikdə beş ballistik raket atılıb.

Yəmənin informasiya naziri Müəmmər əl-İryani bildirib ki, hücum zamanı baş nazir və Nazirlər Kabinetinin üzvləri kompleksdə olublar. Onların heç biri xəsarət almayıb.

Maaşiq saray kompleksi Yəmənin beynəlxalq səviyyədə tanınmış hökumətinin iqamətgahı kimi fəaliyyət göstərir.

Husilərə bağlı SABA xəbər agentliyinin hərbi mənbəyə istinadən yaydığı məlumata görə, hücum Səudiyyə Ərəbistanı zabitlərinin rəhbərlik etdiyi komandanlıq qərargahını və kompleksdə yerləşən silah anbarlarını hədəf alıb./ajans.az