“Corolla" mopedi vurdu: Sürücü köməyə gələnləri təhqir edib qovdu - FOTO

“Facebook” sosial şəbəkəsinin xanım istifadəçilərindən biri şahidi olduğu qəza ilə bağlı paylaşım edib.

Avtosfer.az xəbər verir ki, xanım istifadəçi Bakının Yasamal rayonunda baş verən qəza hadisəsi ilə əlaqədar məlumar verib. O qeyd edib ki, rayonun Mirzəağa Əliyev küçəsi ilə Murtuza Muxtarov küçələrinin kəsişməsində avtomobillə mopedi vurub.

Belə ki, 90-PH-103 qeydiyyat nişanlı “Toyota Prius” markalı avtomobilin sürücüsü küçədə tıxac olan vaxt, axşam saat 18:00-19:00 radələrində manevr qaydalarını vaxtaşırı pozaraq və birinci zolaqda öz yolu ilə hərəkət edən mopedin qarşısına qəfl dönərək onu vurub. Hətta moped sürücüsünə kömək etmək üçün yaxınlaşan vətəndaşları təhqir edərək ərazidən uzaqlaşdırmağa, hadisəni böyütməməyə çalışıb. O nə əraziyə təcili tibbi yardım, nə də yol polisi əməkdaşı çağırıb. Üstəlik qəzada moped sürücüsünü də günahlandırmağa cəhd edib.

Paylaşımı edən xanım aidiyyəti qurumların məsələni dərhal araşdırmağı, qanunları kobud şəkildə pozaraq vətəndaşları təhqir edən sürücünün cəzalandırılmasını, həmçinin moped sürücüsünə kömək etməyi xahiş edib.

Səfər