Dələduzluqla vətəndaşların pulunu ələ keçirən şəxsə hökm oxundu

Vətəndaşların pulunu dələduzluq yolu ilə əldə etməkdə təqsirləndirilən Mirsənan Mürsəlizadənin sonuncu məhkəmə prosesi keçirilib.

Avtosfer.az Trend-ə istinadən xəbər verir ki, Bakı Ağır Cinayətlər Məhkəməsində keçirilən prosesdə hökm oxunub.

Hökmə əsasən, təqsirləndirilən Mirsənan Mürsəlizadə 6 il 6 ay müddətə azadlıqdan məhrum edilib.

Təqsirləndirilən Mirsənan Mürsəlizadə “biznesə sərmayə” və başqa iş adı altında ümumilikdə 374 min manat məbləğində dələduzluq edib.

Ziyanın bir qismini ödənildiyi üçün zərərçəkmiş şəxslərin bəziləri şikayətini geri götürüb.

Ona qarşı Cinayət Məcəlləsinin 178.3.2-ci (Dələduzluq, külli miqdarda ziyan vurmaqla) maddəsi ilə ittiham irəli sürülüb.