Doqquz uşaqdan 6-sı palçıqla oynadıqdan sonra çiməndə zəhərlənib - VİDEO

Sumqayıtda bir ailənin 6 üzvü dəm qazından zəhərlənib. Avtosfer.az “Qafqazinfo”ya istinadən xəbər verir ki, hadisə Xəzri bağları adlanan yaşayış massivində baş verib.

Belə ki, 9 uşaqlı ailənin 6 övladı palçıqla oynadıqdan sonra eyni vaxtda yuyunmaq üçün hamam otağına daxil olublar. Bu zaman dəm qazından zəhərləniblər. Onlar xəstəxanaya aparılıb. Həkimlərin müdaxiləsindən sonra vəziyyətləri stabilləşib. 6 uşaqdan ikisinin müalicəsinin xəstəxanada davam etdirilməsi tövsiyə olunsa da, valideynlər onları da evə aparıblar. Hazırda uşaqların vəziyyətinin normal olduğu bildirilir.