Dostunun qisasını alan sürücü yük maşınını insanların üzərinə sürdü - VİDEO

Sürücü dostunun qisasını almaq üçün yük maşınını insanların üzərinə sürüb. Avtosfer.az xəbər verir ki, Rusiyanın Novosibirsk şəhərində baş verən hadisə bir iaşə obyektinin kamerasına düşüb. Məlumata görə, avqustun 10-da səhər saatlarında Petuxova küçəsi, 79B ünvanında yerləşən kafe-barda bir şəxs hələlik məlum olmayan səbəblərdən döyülüb. Hadisədən xəbər tutan zərərçəkənin dostu idarə etdiyi “Howo” markalı yük maşınını qəsdən iki dəfə arxa-arxaya verərək kafe-barın qarşısında dayanan insanların üzərinə sürüb.
Yerli KİV-in məlumatına görə, hadisə nəticəsində ölən və ya xəsarət alan olmayıb. Ancaq iaşə obyektinə ciddi zərər dəyib.
Sözügedən hadisənin videosunu təqdim edirik:

Namiq Musayev