Dünyanın ən güclü adamı velosipeddən yıxılıb öldü - FOTO

Nüfuzlu "Superbody" turnirinin ikiqat mütləq qalibi, 46 yaşlı tanınmış macar bodibilder Bela Kati velosipeddən yıxılaraq həyatını itirib.

Avtosfer.az-ın məlumatına görə, bu barədə "Bors Online" portalı xəbər verib.

Faciə Kiprdə ailəvi istirahət zamanı baş verib. İdmançı velosiped gəzintisinə çıxıb və yıxılma zamanı başından ölümcül zədə alıb. Onun cəsədini yol kənarında yoldan keçənlər aşkar ediblər.

Faciəni bodibilderın həyat yoldaşı - eyni zamanda məşqçi və idmançı olan Diana Salamon da təsdiqləyib. O, həyat yoldaşı və onların beş yaşlı qızı ilə arxiv şəkillərini, həmçinin açıq, ürək parçalayan mesajını paylaşıb.

"Bədənimi və ruhumu dəlib keçən təsviredilməz ağrı. Mən hələ də ümid edirəm ki, sən bu qapıdan girəcəksən və "Mən gəldim, mənim kiçik ailəm" deyəcəksən..." - deyə Diana yazıb.

Bela Kati güc idman növləri dünyasında ulduza çevrilib: pauerliftinq və uzanaraq ağırlıqqaldırma üzrə Macarıstan çempionu, Avropa çempionatının qalibi olub, 2010-cu ildə isə o, ekipirovkasız 360 kiloqram ağırlığında ştanqla oturaraq qeyri-rəsmi dünya rekordunu müəyyən edib.

Sonradan o, bodibildinqə keçid edib və WABBA dünya çempionu olub, iki dəfə nüfuzlu "Superbody" turnirində qalibiyyət qazanıb.