Əri yıxılaraq ölən qadın onu maşın vurduğunu iddia edir - FOTO

Yüksəkdən yıxılaraq öldüyü deyilən 52 yaşlı Mingəçevir sakininin xanımı ərinin ölümü ilə bağlı iddiaları qəbul etmir.

Bu barədə danışan Kəmalə Baxışova "Yoldaşım heç bir yüksəklikdən yıxılmayıb, onu yük maşını vurub" deyib.  

Onun sözlərinə görə hadisə dekabr ayının 30-da  Mingəçevir Mərkəzi Bazarına yaxın ərazidə baş verib. "Qazel" markalı yük maşını 52 yaşlı  piyada İlqar Baxışovu vuraraq  çoxsaylı xəsarətlər yetirib. Daha sonra sürücü  yaralı piyadanı xəstəxanaya deyil, öz evinə aparıb və bir gün orada saxlayıb. Dekabrın 31-i axşamı isə onu gətirib yaşadığı evin yanına qoyub. 

Kəmalə Baxışova ərini gördüyü zaman çox qan itirdiyinin və ağrılardan əzab çəkdiyini deyib. İlqar Baxışov başına gələn hadisəni ailəsinə danışıb. Ağrılarına və xanımının təkidinə rəğmən, İlqar Baxışovu  yalnız yanvarın 1-də xəstəxanaya aparmaq mümkün olub. İlkin tibbi müayinə sonrası o dərhal reanimasiya şöbəsinə yerləşdirilib. Həkimlərin cəhdlərinə baxmayaraq, İlqarın həyatını xilas etmək mümkün olmayıb.

Kəmalə Baxışova ərinin hündürlükdən yıxıldığı barədə dolaşan ilkin məlumatlara da aydınlıq gətirib:

"Hadisədən yalnız bir gün sonra ağır durumda evə gələrkən onu yük maşınının vurduğunu və həmin maşınla barı arasında sıxılıb qaldığını söyləmişdi. Xəstəxanada hələ ayaqüstəykən isə  hüquq-mühafizə orqanlarına  doğru deyil, yanılış məlumatı verdi ki, hündürlükdən yıxılmışam. Bunun səbəbini soruşsam da, mənə də izah etmədi. Sonradan mən rəsmi izahatımda ərimi maşın vurduğunu dedim".

Qeyd edək ki, mərhum İlqar Baxışov Şuşada usta kimi çalışır, bayramla əlaqədar evinə gəlibmiş.

Faktla bağlı araşdırma davam edir.

(unikal)