Ermənistan rəhbəri İkinci Qarabağ müharibəsində ölənlərin sayını bilmirmi?

Bu günlərdə Ermənistan prezidenti Vaahn Xaçaturyanın Praqada səsləndirdiyi rəqəm etiraz doğurub.

Avtosfer.az xəbər verir ki, Praqa Universitetində çıxışı zamanı o, İkinci Qarabağ müharibəsində 4800 erməninin öldüyünü bildirib və narazılıq da bundan başlayıb.

Sosial şəbəkədə qalxan hay-küydən sonra Ermənistan istintaq Komitəsi məlumat yayıb və 2020-ci ilin rəqəmlərini təkrarlayıb. Qeyd olunub ki, müharibədə 3833 nəfər ölüb ki, bunlardan 3755-i hərbçidir. Prezident isə “çıxışında yanılıb”.

Məsələ burasındadır ki, Azərbaycandan fərqli olaraq Ermənistanda İkinci Qarabağ müharibəsində həyatını itirənlərin adlı siyahısı ictimaiyyətə açıqlanmır. Bu da vaxtaşırı narazılıq yaradır.

Vüqar