Gədəbəy sakini qayalıqdan yıxılıb öldü - YENİLƏNİB

Fövqəladə Hallar Nazirliyinin "112" qaynar telefon xəttinə Gədəbəy rayonu, Qalakənd kəndində bir nəfərin dərəyə yıxılması barədə məlumat daxil olub.

FHN-dən Avtosfer.az-a verilən xəbərə görə, məlumat qəbul ediləndən dərhal sonra Nazirliyin hadisə yerinə ən yaxın xilasetmə qüvvələri cəlb olunub.

Dövlət Yanğından Mühafizə Xidmətinin yanğınsöndürən - xilasediciləri tərəfindən həyata keçirilən tədbirlər nəticəsində bir nəfərin meyiti dərədən çıxarılaraq aidiyyəti üzrə təhvil verilib.

***

Gədəbəy sakini bədbəxt hadisə nəticəsində vəfat edib.

Avtosfer.az qafqazinfo-ya istinadən xəbər verir ki, 1970-ci il təvəllüdlü Yaqub Yolçuyev qayalıq ərazidən yıxılaraq ölüb. 

O, yaxınlıqdakı insanların yardımı ilə xəstəxanaya çatdırılsa da, həyatını xilas etmək mümkün olmayıb.

Faktla bağlı Gədəbəy rayon Prokurorluğunda araşdırma başlanılıb.