Güclü külək Bakıda bir nəfərin ölümünə səbəb olub - RƏSMİ - YENİLƏNİB

Bakıda küləkli hava şəraiti ilə əlaqədar bir nəfər kişinin həkiməqədər ölüm faktı ilə bağlı təfərrüatlar məlum olub.

Avtosfer.az xəbər verir ki, kişi üzərinə hasarın aşması nəticəsində həyatını itirib.

Hadisə Xətai rayonu, Zeytun küçəsində baş verib. Hasarın aşması səbəbindən 1980-ci il təvəllüdlü Rüfət Səhrad oğlu Qasımov ölüb.

***10:53

Küləkli hava şəraiti ilə əlaqədar Respublika Təcili və Təxirəsalınmaz Tibbi Yardım Mərkəzinə yıxılma səbəbi ilə beş çağırış qeydə alınıb.

Avtosfer.az xəbər verir ki, bu barədə "Report"un sorğusuna cavab olaraq TƏBİB-dən məlumat verilib.

Bildirilib ki, 47 yaşlı qadın Sabunçu Tibb Mərkəzinə, 73 yaşlı qadın Elmi-Tədqiqat Travmatologiya və Ortopediya İnstitutuna, 43 yaşlı qadın və 53 yaşlı kişi isə Kliniki Tibbi Mərkəzə hospitalizasiya olunub.

Hava şəraiti ilə əlaqədar bir nəfərin (kişi) həkiməqədər ölüm faktı qeydə alınıb.