Hava limanı yolunda maşınların üzərinə şığıyan piyada qorxulu anlar yaşatdı - VİDEO

Paytaxtın Hava limanı yolunda təhlükəli hərəkətlər edən piyada kameraya düşüb.

Avtosfer.az xəbər verir ki, görüntülər ərazidən keçən sürücülərdən biri tərəfindən sosial şəbəkədə paylaşılıb. Hadisənin bir neçə gün əvvəl axşam saatlarında baş verdiyi bildirilir.

Kadrlardan göründüyü kimi, piyada hərəkətdə olan avtomobillərin qarşısına çıxaraq qəfil manevrlər edir və bununla həm özünü, həm də sürücüləri təhlükə altına salır.

Sürücünün sözlərinə görə, həmin şəxs ayaqqabısız vəziyyətdə yolda hərəkət edib, əlindəki qırmızı parça ilə sürücülərin diqqətini yayındırmağa çalışıb.

Xoşbəxtlikdən hadisə zamanı qəza baş verməyib.

Nərmin