Həmyerlimiz Dağıstanda arvadını hissələrə ayırıb, meyitini yandırdı - FOTO

Dağıstanda yanvar ayının 23-də itkin düşmüş 36 yaşlı qadının parçalanmış və yandırılmış qalıqları tapılıb.

Avtosfer.az xəbər verir ki, bu barədə respublika Daxili İşlər Nazirliyinin mətbuat xidməti məlumat yayıb. 

Dərbənd rayon sakini Malvina Maqomedova gecə evindən çıxıb və geri qayıtmayıb. Onun qalıqları Süleyman-Stalski rayonunun Çuxverkent kəndinin kənarında aparılan axtarış əməliyyatı zamanı aşkar edilib.

Məlumata görə, qadın 28 yaşlı Azərbaycan əsilli əri Racidin Yaralıyev tərəfindən öldürülüb. Cinayətdən bir müddət əvvəl cütlük toy edib. 

Hadisə qadının kişiyə cehiz olaraq aldığı "Lada Priora" avtomobilinin satılması fonunda baş verib. 

Avtomobilin satılmasından xəbəri olmayan qadın oğurluqla bağlı polisə ərizə yazıb. Bundan sonra onunla əlaqə itib. 

Şübhəli saxlanılıb. O, polis bölməsində cinayəti etiraf edib.