Hərbi xidmətdən yeni qayıdan gənc dənizdə batdı - TƏFƏRRÜAT - VİDEO

Bakının Bilgəh qəsəbəsində dənizdə bədbəxt hadisə baş verib. Avtosfer.az xəbər verir ki, çimməyə gedən dörd dostdan ikisi suda batıb. Batan gənclərdən birinin meyiti dostları tərəfindən sudan çıxarılaraq aidiyyəti üzrə təhvil verilib. Digər şəxsin - 23 yaşlı Rəhman Əmirovun axtarışları isə hələ də davam edir.

Rəhman Əmirovun qohumu Nihad Hüseynli hadisə ilə bağlı Baku TV-yə açıqlamasında bildirib:

"Qəfil su qalxdı, güclü dalğa yarandı və ikisi batmağa başladı. Dostunu sudan çıxaranda artıq dünyasını dəyişmişdi. Rəhman isə axına düşərək uzaqlaşdı, onu tapmaq mümkün olmadı. O, hərbi xidmətdən yeni qayıtmışdı, 23 yaşı vardı".