İlan sancdığı deyilən kişi qorxudan ölübmüş - FOTO

Neftçalanın Həsənabad qəsəbəsində ilan sancması nəticəsində öldüyü deyilən qəsəbə sakini Rövşən Cəfərov haqqında bəzi təfərrüatlar məlum olub. 

Avtosfer.az unikal-a istinadən xəbər verir ki, 1962-ci il təvəllüdlü kişi xəstəxanaya çatdırılana qədər yolda vəfat edib.

Belə ki, qəsəbə sakini əvvəlcə gürzə ilanını öldürüb. Daha sonra onun halı pisləşərək ölüb. 

Meyit üzərində aparılan müayinə zamanı məlum olub ki, mərhumun üzərində ilan sancması ilə bağlı heç bir iz aşkar edilməyib. O, ilanı öldürərkən qorxu və həyəcandan vəfat edib.