İlan sancmasından qorxan kişi səhv barmağını kəsdi: Həkimlərə çatanda acı həqiqəti öyrəndi

İlan sancması zamanı barmağını kəsən kişinin başına gələnlər qorxunun necə yanlış qərara səbəb ola biləcəyini göstərir.

Avtosfer.az xəbər verir ki, hadisə 2019-cu ilin oktyabrında Çinin Çjetszyan əyalətində baş verib. 60 yaşlı Zhang dağlıq ərazidə odun doğrayarkən sağ əlindən ilan sancması alıb. Sancan ilanın zəhərinin sürətlə yayılacağından qorxan fermer barmağını kəsərək xəstəxanaya yollanıb.

Həkimlərin müayinəsindən sonra məlum olub ki, kişi ilan sancan barmağını deyil, başqa barmağını kəsib. Üstəlik, həkimlər barmağı kəsməyə ümumiyyətlə ehtiyac olmadığını bildiriblər. Fermerə zəhər əleyhinə zərdab vurulsa da, kəsilmiş barmağını hadisə yerində qoyub gəldiyi üçün onu bərpa etmək mümkün olmayıb.

Qeyd: İlan sancması zamanı yaranı kəsmək və ya zəhəri ağızla sormağa çalışmaq təhlükəlidir. Belə hallarda dərhal tibbi yardım almaq lazımdır./livebaku