İncəsənət dünyasına AĞIR İTKİ - FOTO

Türkiyənin İzmit şəhərində sənətin inkişafına uzun illər töhfə verən, çoxsaylı tələbələr yetişdirən Hülya Songür vəfat edib.

Avtosfer.az xəbər verir ki, uzun müddət balet və sənət təhsili sahəsində fəaliyyət göstərən Hülya Songür öz bilik və təcrübəsini tələbələri ilə bölüşərək bir çox insanın sənətlə tanış olmasına və bu sahədə yetişməsinə böyük töhfə verib.

Onun yetirmələri arasında sənət fəaliyyətini davam etdirən çoxsaylı şəxslərin olduğu bildirilir. Hülya Songür tələbələrinin həyatında iz buraxmaqla yanaşı, İzmitin sənət yaddaşında da özünəməxsus yer tutub.

Songürün vəfatı ailəsi, tələbələri, sənət dostları və onu tanıyanlar arasında böyük kədər yaradıb.

“Ses Kocaeli” qəzeti də sənətə verdiyi töhfələri və yetişdirdiyi tələbələrlə xatırlanan Hülya Songürün ailəsinə, tələbələrinə və yaxınlarına başsağlığı verib.