İranda dərman və tibbi avadanlıq daşıyan təyyarə vurulub

İranın Məşhəd Beynəlxalq Hava Limanının ərazisində dərman və tibbi avadanlıq daşıyan mülki təyyarə hədəfə alınıb.

Avtosfer.az xəbər verir ki, bu barədə İranın Mülki Aviasiya Təşkilatının bu gün yaydığı bəyanatda bildirilib.

Bəyanatda mülki təyyarəyə qarşı Amerika Birləşmiş Ştatları və İsrail tərəfindən həyata keçirilən hücum pislənilib. Vurğulanıb ki, humanitar yük daşıyan mülki hava nəqliyyat vasitəsinin hədəfə alınması beynəlxalq hüququn kobud şəkildə pozulmasıdır və bu cür addımlar müharibə cinayəti kimi qiymətləndirilməlidir.