İki qadınla yolu qaçaraq keçən azyaşlı yıxıldı - Faciədən son anda qurtuldu - REAL VİDEO

Paytaxtın Yasamal rayonunda, “20 Yanvar” metrosu yaxınlığında piyadaların yol hərəkəti qaydalarını pozması avtomobilin kamerasına düşüb.

Avtosfer.az-ın məlumatına görə, hadisə ötən il dekabrın 28-də, saat 11:25 radələrində qeydə alınıb. Videodan görünür ki, iki orta yaşlı qadın azyaşlı ilə birlikdə dayanmış avtobusların arasından çıxır və yolu təyin olunmamış yerdən qaçaraq keçməyə cəhd edirlər. Bu zaman azyaşlı yola yıxılır. Xoşbəxtlikdən, həmin an yola yaxınlaşan avtomobil olmayıb.

Qeyd edək ki, avtobusların arasından qəfil çıxan piyadalar sürücülər üçün görünməz zona yaradır və bu cür hallarda qəza riski xeyli artır.

Piyadalar, xüsusilə azyaşlılarla hərəkət edərkən yalnız piyada keçidlərindən istifadə etməli, dayanmış nəqliyyat vasitələrinin arasından yola çıxmaqdan çəkinməlidirlər. Unutmaq olmaz ki, bir neçə saniyəlik tələskənlik insan həyatı üçün ciddi təhlükəyə çevrilə bilər.

Nərmin