İmişli sakini ov tüfəngi ilə öldürüldü

İmişli rayonunun Şəmmədli kəndi ərazisində qətl hadisəsi baş verib. 

Avtosfer.az qafqazinfo-ya istinadən xəbər verir ki, 1978-ci il təvəllüdlü Səxavət Qəhrəmanov ov tüfəngi ilə öldürülüb.

Polisin keçirdiyi tədbirlərlə hadisəni törətməkdə şübhəli bilinən 33 yaşlı Elşən Hüseynov saxlanılaraq, ondan ov tüfəngi götürülüb.

Hadisənin səbəbləri araşdırılır.