İsmayıllıda kanaldan meyiti tapılan şəxsin oğlu da FACİƏLİ ŞƏKİLDƏ ÖLÜBMÜŞ - YENİLƏNİB

"Tircan kəndində su kanalından meyiti tapılan şəxs neçə gün idi ki yoxa çıxmışdı".

Bu barədə kənd sakini məlumat verib.

"Misirxanın bir oğlu, bir qızı vardı. Bir neçə il əvvəl oğlu təxminən 22-23 yaşında arı sancması nəticəsində həyatını itirdi. Oğlanın allergiyası olduğuna görə arı sancması onun həyatına son qoydu. Qızı da ailəlidir. Misirxanın əvvəldən də psixi geriliyi var idi, amma oğlu rəhmətə gedəndən sonra vəziyyəti bir az da ağırlaşmışdı. Dünən axşam meyiti tapılıb. Hazırda məsciddədir. Az sonra dəfn olunacaq", - deyə sakin bildirib.(oxu.az)

***09:52

İsmayıllıda küçədə kişi meyiti aşkarlanıb. 

Avtosfer.az apa-ya istinadən xəbər verir ki, hadisə rayonun Tircan kənd ərazisində qeydə alınıb. 

Məlum olub ki, meyiti tapılan şəxs 1955-ci il təvəllüdlü İsmayıllı rayon Tircan kənd sakini Nəsirov Misirxandır.  Şəxsin psixoloji problemləri olduğu bildirilir.

Onun meyiti yaşadığı kənddə su keçidindən aşkarlanıb.