Keçmiş mer insan alverində təqsirli bilinərək ömürlük həbs cəzası aldı

Filippin məhkəməsi Çin sindikatı ilə əlaqədə günahlandırılan keçmiş meri ömürlük həbs cəzasına məhkum edib. Avtosfer.az "Teleqraf"a istinadən xəbər verir ki, Alice Go Filippin vətəndaşı kimi paytaxt Manilanın şimalında yerləşən əkinçilik şəhəri Bamban bələdiyyəsinə namizədliyini irəli sürüb. Lakin hüquq-mühafizə orqanları daha sonra onun Çin vətəndaşı Qo Hua Pinq olduğunu müəyyən ediblər. Go Filippin vətəndaşı olduğunu israr edib. Araşdırmalardan sonra məlum olub ki, Go insan alverilə məşğul imiş. Ona məxsus ofislərdə tapılan sənədlər bunu deməyə əsas verib. O, yüzlərlə insanı kölə kimi saxlayıb və ya hansısa iş adamına satıb. Alice Go ilə yanaşı daha 7 nəfər insan alverində təqsirli bilinib və onlara ömürlük həbs cəzası verilib.