Kirayə yaşadığı evdə faciəvi şəkildə öldü

Gəncədə 64 yaşlı qadın kirayə qaldığı evdə dəm qazından zəhərlənərək ölüb.

Avtosfer.az qafqazinfo-ya istinadən xəbər verir ki, hadisə şəhərin Nəriman Nərimanov prospektində yerləşən yaşayış binalarının birində qeydə alınıb.

Belə ki, 1962-ci il təvəllüdlü Sevda Mehdiyeva kirayə yaşadığı evin hamam otağında dəm qazından zəhərlənərək həyatını itirib.

Meyit müayinə olunmaq üçün Məhkəmə Tibbi Ekspertizanın Potoloji Anatomiya Birliyi Publik Hüquqi Şəxsin Gəncə şəhər şöbəsinə təhvil verilib.

Faktla bağlı Gəncə şəhər Prokurorluğunda araşdırma aparılır.