Körpəsini maşında unudub, “qızımı öldürdüm” deyə QIŞQIRDI

Avstraliyanın Sidney şəhərində bədbəxt hadisə baş verib.

Avtosfer.az xarici mediaya istinadən xəbər verir ki, 1 yaşlı Oliviya adlı qız atası tərəfindən isti havasız maşında unudularaq ölüb.

Ata qızını uşaq bağçasına buraxmaq üçün çıxarkən 1 yaşlı körpəsini maşında qoyub. İsti və havasız maşında qalan körpə ölüb.

Hadisədən ilk xəbər tutanlardan biri qonşuları Roy Qomes olub. Tibb işçiləri gələnə qədər Qomes Oliviyaya ilk yardım göstərib.

“Hər şey o qədər sürətli oldu ki, yazıq “qızımı öldürdüm” qışqırırdı. Dünən gecə çox çətin anlar yaşadım. Balaca körpənin üzünü ağlımdan çıxara bilmirəm”, – o deyib.

Polis hadisəni təfərrüatlı şəkildə araşdırmağa davam edir. Məktəb direktoru Kristin Makdonald körpənin 30 dərəcə istilikdə uzun müddət maşında qaldığını bildirib.

Dekabrın 3-də Oliviyanın bir illik yubileyini qeyd edilib.

(Medianews.az)