Kvadrosikllə yol polisini vurub qaçan yeniyetmə saxlanıldı - VİDEO

Kvadrosikllə yol polisini vurub qaçan yeniyetmə saxlanılıb. Avtosfer.az xəbər verir ki, Rusiyanın Orenburq şəhərində baş verən hadisə kameraya düşüb.

Belə ki, 17 yaşlı yeniyetmə kvadrosikllə hərəkətdə olarkən polisin qanuni "saxla" tələbinə məhəl qoymayıb. Sürəti artırmağa çalışan gənc Yol Patrul Xidmətinin (YPX) müfəttişini vuraraq hadisə yerindən qaçmağa cəhd göstərib.
Nəticədə, YPX əməkdaşı müxtəlif dərəcəli bədən xəsarətləri alıb. Polisin keçirdiyi operativ tədbirlər nəticəsində yeniyetmə qısa müddətdə saxlanılıb.
Faktla bağlı artıq Rusiya Federasiyası Cinayət Məcəlləsinin müvafiq maddəsi ilə cinayət işi açılıb.
Yeniyetmənin yetkinlik yaşına çatmamasına baxmayaraq, törətdiyi əməlin ağırlığına görə onu kifayət qədər ciddi və uzunmüddətli həbs cəzası gözləyir. Araşdırmalar davam etdirilir.
Sözügedən hadisənin anbaan videosunu təqdim edirik:

Namiq Musayev