Maşını ağaca çırpan sürücü belə xilas edildi - VİDEO - YENİLƏNİB

Xaçmazda avtomobili ağaca çırpılan sürücü həlak olub.

Avtosfer.az oxu.az-a istinadən xəbər verir ki, hadisə ötən gecə saat 01:00-da Xaçmaz-Quba avtomobil yolunun 4-cü kilometrliyində qeydə alınıb.

Xaçmaz rayonunun Ağyazı Buduq kəndi ərazisində Quba rayonu Alekseyevka kənd sakini, 1999-cu il təvəllüdlü Elvin Məzahir oğlu Əlimərdanov idarə etdiyi KIA markalı 99-XS-439 dövlət nömrə nişanlı avtomobilin idarəetməsini itirib və nəticədə avtomobil yol kənarında olan ağaca çırpılıb.

Xaçmaz Rayon Mərkəzi Xəstəxanasına çatdırılsa da, E.Əlimərdanovun həyatını xilas etmək mümkün olmayıb.

***09:00

Xaçmaz rayonunun Ağyazı Buduq kəndi ərazisində yol-nəqliyyat qəzası nəticəsində vətəndaş avtomobildə sıxılı vəziyyətdə qalıb.  

Avtosfer.az xəbər verir ki, bu barədə Fövqəladə Hallar Nazirliyinin “112” qaynar telefon xəttinə məlumat daxil olub.

Məlumatla əlaqədar hadisə yerinə dərhal FHN-in Şimal Regional Mərkəzinin xilasediciləri cəlb edilib.

Hadisə yerində əməliyyat şəraiti qiymətləndirilərkən müəyyən olunub ki, “Kia” markalı minik avtomobilinin idarəetməni itirərək yol kənarındakı ağaca çırpılması nəticəsində yol-nəqliyyat hadisəsi baş verib və sürücü deformasiyaya uğramış avtomobildə sıxılı vəziyyətdə qalıb.

Xilasedicilər xüsusi vasitələrin köməyi ilə avtomobildə sıxılı vəziyyətdə qalan sürücü, 1999-cu il təvəllüdlü Əlmərdanov Elvin Məzahir oğlunu xilas edərək təcili tibbi yardım briqadasına təhvil veriblər.

Hadisə ilə əlaqədar müvafiq qurumlar tərəfindən təhqiqat aparılır.