Məşhur klinikada HƏYƏCANLI ANLAR: Pasiyentlər təxliyə ediliblər - YENİLƏNİB

“Baku Medical Plaza” klinikalar şəbəkəsinin Babək filialında yanğın hadisəsi baş verməsi barədə iddialar yayılıb.

Yayılan iddialarla bağlı sözügedən klinikalar şəbəkəsindən “Qafqazinfo”nun sorğusuna cavab olaraq bildirilib ki, bu gün saat 13:50 radələrində filialda qısaqapanma nəticəsində tüstülənmə hadisəsi qeydə alınıb.

“Tüstülənmə klinikanın birinci mərtəbəsində yerləşən boş həkim otaqlarından birində baş verib. Hadisə baş verdiyi andan etibarən klinikanın daxili təhlükəsizlik və fövqəladə vəziyyət protokollarına uyğun olaraq operativ tədbirlər görülüb, tüstülənmə mənbəyi tam nəzarət altına alınıb.

Hadisə nəticəsində xəsarət alan olmayıb.

Hazırda klinika fəaliyyətini adi rejimdə davam etdirir və tibbi xidmətlərin göstərilməsində hər hansı fasilə yaranmayıb”, - məlumatda vurğulanıb.

***15:18

Bakı şəhəri, Babək prospektində yerləşən "Baku Medical Plaza"da yanğın baş verib.

Avtosfer.az xəbər verir ki, xəstəxanadan Oxu.Az-a verilən məlumata görə, yanğın qısaqapanmadan baş verib.

Bildirilib ki, hadisə anında pasiyentlər klinika binasından çıxarılıblar, artıq hər şey yenidən öz qaydasındadır. Klinikaya ciddi ziyan dəyməyib.