Moskvada azərbaycanlı cütüyün MÜƏMMALI ÖLÜMÜ - Pəncərədən yıxılıblar... - FOTO

Rusiyanın paytaxtı Moskvada cütlük çoxmərtəbəli yaşayış binasından yıxılıb.

Avtosfer.az xəbər verir ki, bu barədə "Baza" teleqram kanalı məlumat yayıb.

Məlumata görə, ailənin azyaşlı övladı qalıb.

Həlak olan ər-arvadın meyitləri "Salarievo Park" yaşayış kompleksinin pəncərələrinin altında aşkar edilib. Qonşuların sözlərinə görə, cütlük mehriban və ünsiyyətcil olub, kişi isə bizneslə məşğul imiş.

Hadisə ilə bağlı məlumatı hüquq-mühafizə orqanları təsdiqləyib. Mənbənin sözlərinə görə, ər və arvadın həlak olduğu vaxt onların beş yaşlı övladı mənzildə olub.

Bildirilir ki, həlak olanlar azərbaycanlılar olub. Mənzildə olan uşaq müvəqqəti olaraq hüquq-mühafizə orqanları tərəfindən nəzarətə götürülüb./baku.ws