Mühərrikin səsinə görə sürücünü döyüb öldürdü

Rusiyanın Moskva vilayətinin Elektrostal şəhərində kişi mühərrikdən gələn yüksək səsə görə avtomobil sahibini öldürüb.

Avtosfer.az xəbər verir ki, sərxoş kişi həyətdə avtomobilin mühərrikinin yüksək səslə işlədiyini eşidib. Bundan sonra o, ling (dəmir parçası) taparaq həyətə düşüb və avtomobilin kapotuna bir neçə dəfə zərbə endirib.

Daha sonra kişi avtomobil sahibinə hücum edib və onu döyərək öldürüb.

Məhkəmə təqsirləndirilən şəxsi ciddi rejimli cəzaçəkmə müəssisəsində 6 il 1 ay müddətinə azadlıqdan məhrum edib. Bundan əlavə, ondan mənəvi zərərə görə 2 milyon rubl təzminat tutulmasına qərar verilib.