Naxçıvanda avtomobil aşıb: Bir nəfər öldü - VİDEO

Naxçıvanda bir nəfərin ölümü, üç nəfərin xəsarət alması ilə nəticələnən yol-nəqliyyat hadisəsi baş verib.

Avtosfer.az "Report"a istinadən xəbər verir ki, qəza Naxçıvan-Şahbuz magistralında qeydə alınıb.

Belə ki, "Hyundai" markalı avtomobilin aşması nəticəsində 1990-cı il təvəllüdlü Nurlan İslam oğlu Əliyev ölüb, maşında olan 1996-cı il təvəllüdlü Elvin İbrahim oğlu Abbasov, 1998-ci il təvəllüdlü Elçin Məmməd oğlu Abbasov və 2001-ci il təvəllüdlü Vəli Əli oğlu Məhərrəmov xəsarət alıblar.

Onlar Naxçıvan Muxtar Respublika Xəstəxanasına yerləşdiriliblər. Xəsarət alanlardan Elçin Abbasovun vəziyyəti ağır olaraq qiymətləndirilir.

Faktla bağlı araşdırma aparılır.