Ölüm hökmü canlı yayımda icra ediləcək

2009-cu ildə ABŞ hərbi bazasında 12 nəfərin ölümünə, onlarla əsgərin yaralanmasına səbəb olan Fələstin əsilli psixiatr Nidal Malik Həsən barədə ölüm hökmü canlı yayımda icra ediləcək.

Avtosfer.az xəbər verir ki, hökm ölkə üçün spesifik olmayan şəkildə həyata keçiriləcək. Həsən kameralar qarşısında 1 manqa əsgər tərəfindən güllələnəcək. Bu cür edam ABŞ-də sonuncu dəfə 1945-ci ildə icra edilib.

Nidal Malik Həsən 2013-cü ildə irəli sürülmüş 32 ittihamın hamısı üzrə təqsirli bilinib. İttiham aktına görə o, tibbi müayinəyə gələn silahsız hərbçilərə atəş açaraq 12 nəfəri öldürüb, onlarla adamı yaralayıb. O özü də cavab atəşindən sonra onurğasından xəsarət aldığı üçün əlil arabasında hərəkət edir.

Həsən məhkəməyə ifadəsində hərəkətini ABŞ əsgərlərinin Əfqanıstandakı davranışları ilə izah edib.

Pentaqondan bildirilib ki, ölüm hökmü dekabrın 3-də canlı nümayiş etdiriləcək.

Vüqar