Ov tüfəngindən atəş açıldı - 14 yaşlı yeniyetmə ÖLDÜ - YENİLƏNİB

Şəmkir rayonunda 14 yaşlı yeniyetmə güllələnməsinin təfərrüatı məlum olub.

Avtosfer.az oxu.az-a istinadən xəbər verir ki, hadisə bu gün səhər 8 radələrində Dağ Daşbulaq kəndində baş verib.

Kənd sakini, 2012-ci il təvəllüdlü E.Cəfərovun güllələnmiş meyiti yaşadığı evin qonaq otağında aşkarlanıb.

Yeniyetmənin atası səhər saatlarında evə gələrkən oğlunu çağırsa da, cavab almayıb. O, evə daxil olub və bu vaxt övladının meyitini aşkarlayıb. Meyitin yanında valideynə məxsus ov tüfəngi və boş patron da aşkar edilib.

Ehtimal edilir ki, yeniyetmə silahı götürüb təmizləmək istəyərkən güllə açılıb. Nəticədə, o, hadisə yerin ölüb.

Faktla bağlı araşdırma aparılır.

***13:14

Şəmkirdə bədbəxt hadisə baş verib.

Avtosfer.az xəbər verir ki, rayonun Dağ Daşbulaq kəndində 2012-ci il təvəllüdlü yeniyetmə - E. Cəfərov ov tüfəngindən açılan atəş nəticəsində ölüb. 

Hadisənin ehtiyatsızlıqdan baş verdiyi ehtimal olunur. 

Faktla bağlı araşdırma aparılır.