Paytaxtın mərkəzində təhlükə: Küçədə ağac aşmaq üzrədir- Qurum hərəkətə keçdi

Paytaxtda daha əvvəl də ağacların yaratdığı fəlakətlər sürücülərə və piyadalara ziyan vurub. Hər dəfə belə təhlükəli ağaclarla bağlı vətəndaşalr tərəfindən qurumlara çağırış edilsə də, heç bir reaksiya əldə etmək mümkün olmayıb.

Avtosfer.az xəbər verir ki, analoji hal Nərimanov rayonunda da yaşanır. Belə ki, rayonun Əlicabbar Orucəliyev küçəsində ağac təhlükəli vəziyyətdədir. Piyada səkisi üzərində olan ağac, demək olar ki, artıq aşmaq üzrədir. Ağacın budaqları əyilib, gövdəsi isə torpaqdan az qalsın ki, çıxa. Səkidən istifadə edənlər hər dəfə ordan keçdikdə həm təhlükə həm də çətinliklə üz-üzə qalırlar. Xüsusilə, gecə vaxtı həmin ərazidən keçmək böyük risk daşıyır.

Nərimanov Rayon Bələdiyyəsinə müraciətimizdən sonra problem həllini tapdı. Qurum ərazidə lazımi tədbirləri gördü.
Nurcan Babək