Pişiyinin qisasını almaq istədi: 6 avtomobili yandırdı – VİDEO

Pişiyinin qisasını almaq istəyən təqaüdçü 6 avtomobili yandırıb. Avtosfer.az xəbər verir ki, hadisə Rusiyanın Sankt-Peterburq şəhərində baş verib.

66 yaşlı yerli sakin iddia edib ki, qonşuluqdakı minivenin sahibi onun pişiyini maşınla vuraraq öldürüb. Bundan sonra qəzəbini boğa bilməyən yaşlı kişi həmin minivenə od vurub. Lakin alov qısa müddətdə nəzarətdən çıxaraq ətrafdakı digər nəqliyyat vasitələrinə də keçib. Nəticədə, miniven də daxil olmaqla, 5 avtomobil tamamilə yanaraq kül olub, daha bir maşına isə ciddi ziyan dəyib.

Hadisədən dərhal sonra əraziyə hüquq-mühafizə orqanlarının əməkdaşları cəlb olunub və 66 yaşlı təqaüdçü saxlanılıb. Başqasının əmlakını qəsdən məhv etməkdə ittiham olunan kişini indi 5 ilə qədər azadlıqdan məhrumetmə cəzası gözləyir.

Namiq Musayev